AWYDD wythnos mewn ty 3 llofft yn Ffrainc?
Neu be am grys wedi ei arwyddo gan dîm pêl-droed Cymru?
Englyn gan brifardd?
Carthen neu ddarn o gelf tecstilau?
Llawysgrif o Anfonaf Angel wedi ei lofnodi gan Robat Arwyn?
Mae cyfle i chi gynnig am y rhain a llawer mwy mewn Ocsiwn Addewidion nos Wener, Tachwedd 15 yng Nghlwb Rygbi Rhuthun (drysau yn agor 7pm).
Mae mynediad am ddim - ond cofiwch fynd â’ch llyfr siec neu arian parod!
Huw Hilditch Roberts a Sion Eilir fydd yr arwerthwyr, felly fe fydd hi'n noson hwyliog.
Os na fedrwch fynd, gallwch roi cynnig am eitemau cyn hanner dydd ar y diwrnod drwy e-bostio ocsiwnurddrhuthun@hotmail.com
Y penwythnos olynol, bydd llond llwyfan o ganu nos Sadwrn, Tachwedd 23 pan fydd Côr Meibion Caernarfon yn ymuno hefo Côr Rhuthun mewn cyngerdd yn Theatr John Ambrose, Rhuthun.
Bydd ’na forio canu gan y ddau gôr dan arweiniad Delyth Humphreys a Robat Arwyn. Mae'r tocynnau yn £10 ac ar gael o Elfair.
Trefnir y ddwy noson gan bwyllgor apêl Rhuthun at Eisteddfod yr Urdd 2020. Ceir rhagor o fanylion ar dudalen Facebook ‘Pwyllgor Apêl Rhuthun’
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here